УЙ-РЎЗҒОР ГИГИЕНАСИ - БЕШ ЮЛДУЗЛИ ЁНДАШУВ

Бот Маҳалла ва оилани қўллаб-қувватлаш вазирлиги ҳузуридаги «Маҳалла ва оила» илмий-тадқиқот институти томонидан Ўзбекистон Республикаси Соғлиқни сақлаш вазирлиги Санитария-гигиена ва касб касалликлари илмий-тадқиқот институти билан ҳамкорликда амалга оширилган “Оилада барқарор ижтимоий муҳитни яратишда маиший-гигиеник функциянинг ўрни” лойиҳаси доирасида ишлаб чиқилган. Ботимиз уй хўжалигингизнинг санитария, гигиена (сув таъминоти, канализация, газ ва электр таъминоти) шароити ва кундалик турмуш даражасини, шу жумладан, шахсий гигиена қоидалари (қўл ва тана гигиенаси), ошхонада санитария ва гигиена принциплари, озиқ-овқат маҳсулотларининг хавфсизлиги (озиқ-овқат маҳсулотларини сақлаш ва пишириш), уйқу ва ётоқ хонаси гигиенаси ҳамда маиший гигиенанинг ижтимоий-иқтисодий масалаларини ўзингиз баҳолашга имконини беради.

Киритилган ва қайта ишланган маълумотларга асосланиб, бот сизга сув таъминоти, санитария ва турмушнинг сифати ва хавфсизлигини яхшилаш, шунингдек шахсий гигиена ва маиший гигиена қоидаларига риоя қилиш бўйича амалий тавсиялар тўплами ҳақида маълумотларни онлайн режимида олиш имконини беради.

Сўров натижалари нафақат аҳолининг ҳаёт сифатини таъминлаш ва оила институтини мустаҳкамлашга қаратилган мантиқий чора-тадбирларни ишлаб чиқишда фойдаланиш имконини берувчи аналитик характерга эга, балки уй хўжаликларида маиший гигиена шароитларини яхшилаш бўйича, оиланинг моддий фаровонлигидан қатъи назар, аниқ чораларни таклиф қилиш билан бирга, аҳолини оила саломатлиги ва фаровонлигини сақлашда маиший гигиенанинг аҳамияти ҳақида хабардор қилишга қаратилган.

Сўров 5 бўлимдан иборат:
1. Сув таъминоти ва санитария
2. Қўл ва тана гигиенаси
3. Ошхона ва озиқ-овқат маҳсулотлари гигиенаси
4. Уйқу гигиенаси
5. Маиший гигиена учун оила бюджети

Ҳар бир бўлим "ҳа" ёки "йўқ" деб жавоб беришингиз керак бўлган 5 та оддий саволдан иборат.

Агар битта бўлимда 3 ёки ундан ортиқ ижобий жавоб бўлса, сиз ушбу бўлим учун юлдуз оласиз. Ҳар бир бўлимга фақат 1 та юлдуз берилади.

Мақсад – юлдузларнинг максимал сонини, яъни 5 та юлдузни тўплаш.

Сўров тугагандан сўнг, сизга маълум миқдордаги юлдузлар ва/ёки юлдуз берилмаган бўлимлар учун уй хўжалигингиздаги маиший гигиенани яхшилаш бўйича тайёр постерлар шаклидаги тавсиялар берилади.

Агар юлдуз ололмаган бўлсангиз, маиший гигиена бўйича тегишли бўлимда аниқланган муаммоларни яхшилашга оид тавсиялар тайёр постерлар шаклида берилади.

Ушбу сўров шахсий маълумотларни тўпламайди ва анонимлик принципларига амал қилади.

Сўров 5-10 дақиқа давом этади.

Сўровда иштирок этиш учун "Сўровни бошлаш" тугмасини босинг.